Албанците бегаат од Косово: Ни ветија златни лажици, а сега со голи раце јадеме земја!
Објавено во: Балкан 12 Февруари, 2015
Гладни сме, без работа, заробени и без надеж. Од зборови не се живее. Треба да се нахранат децата, изјавил Исмаил кој има осум деца.
На автобуската станица во Приштина има огромна гужва од албанци кои се упатуваат кон Суботица каде што се обидуваат на легален начин да ја поминат границата на Србија со Унгарија.
Иако медиумите се обидоа да откријат што е тоа што ги поттикнало на масовна миграција, граѓаните на Приштина тврдат дека причината е само една - глад.
„По војната нас ни ветија дека ќе јадеме со златни лажици, а сега со голи раце јадеме земја“, изјавува Исмаил (54) кој заедно со жената и осумте деца заминал за Суботица, пренесува српски блиц.
„Ветуваа се, а ги наполнија само нивните џепови. Кој ? Па, политичарите. Гладни сме, без работа, заробени и без надеж. Од зборови не се живее. Овие деца треба да се нахранат“, вели нервозниот Исмаил свесен дека илегалниот премин со осум деца од кои најмалото има три години, е голем ризик.
Сите се свесни дека контролата е зајакната и дека на границата со Унгарија досега се вратени 3000 емигранти, но не се откажуваат. Во тоа не ги спречува ни температурата која е под нулата и фактот дека на такви услови не треба многу да се пешачи. Со себе носат само мали торби, како да не им е во план засекогаш да ги напуштат своите домови. Ги издаваат само солзите.
„Немам ние што да изгубиме. Распродадов се што имав. Сега го праќам семејството, а за месец дена си одам и јас“ изјавил разочараниот Идеали Гаши на кој најтешко му паднало што неговиот братучед заминал со бебе во рацете.
Синоќа од Приштина тргнале околу 500 патници во ладните ноќи со девет автобуси.