Добивај вести на Viber
Првиот потпретседател на Владата на Србија, Александар Вучиќ ја доби титулата личност на годината во регионот. Како што објави весникот „Вечерње Новости“, ова признание на Вучиќ ќе му биде доделено во понеделник, во хотелот Босна.
Весникот „Независне новине“ неколку години по ред ја бира личноста на годината. Изминатите години со оваа титула се закитија Новак Ѓоковиќ, Мило Ѓукановиќ и Иво Јосиповиќ.
Според најавите, пред почетокот на свечената церемонија за доделување награди ќе се организира заедничка седница на Владата на Србија и на Република Српска, а Меморандум за бизнис-техничка соработка треба да потпишат нивните премиери Ивица Дачиќ и Жељка Цвијановиќ.