Добивај вести на Viber
Најтргувани на Берзата во септември се акциите на „Алкалоид“, се наведува во месечниот статистички билтен на Македонска берза.
Акциите на овој фармацевтски гигант учествувале со над 23 отсто во вкупниот промет во овој период. На второ место се акциите на „Комерцијална банка“ со 16,61 отсто, а веднаш зад нив се акциите на „Бетон Штип“ со над 10 отсто учество во вкупниот промет.
Во месец септември, акциите на „Фершпед“, „Тутунски комбинат“ Прилеп и„ Универзална инвестициона банк“, забележаа најголем пораст, додека најголем пад имаа акциите на „Тајмиште“ Кичево, „Топлификација“ и „ФЗЦ 11-ти октомври“ Куманово.
Пазарната капитализација, според статистичкиот месечен билтен за септември, е над 109 милијарди денари, што е пад од 1,68 отсто.