АМБИЦИИ ДА ЈА ОСВОИ ЕВРОПА: Зошто Орбан го прими во „прегратка“ Груевски ?
Објавено во: Македонија 22 Ноември, 2018
Со давањето на политички азил на Никола Груевски, унгарскиот премиер покажал дека има амбиции да биде лидер и на европски терен, пишува РСЕ на српски ајзик.
Уредникот и директор на унгарскиот истражувачки портал „Atlatszo“ Тамаш Бодоки за Радио Слободна Европа вели дека Орбан веќе игра на европски терен и има поголеми амбиции - да ги собере лидерите слични на себе во алијанса.
На прашањето зошто Орбан, кој веќе е во судир со Брисел околу владеењето на правото, се впуштил во случајот на Никола Груевски со што дополнително си ја отежнил ситуацијата, Бадоки рекол Орбан веќе игра на европски терен, има европски аспирации, сака да стане еден од лидерите на Европа, не само на Унгарија, зошто Унгарија веќе ја освоил.
-Тој сега има поголеми амбиции и дел од тие амбиции е создавање на алијанса со земјите од регионот и со антиитмигрантските антифедералистички сили. Тој сака да покаже дека има амбиции на европско ниво, тој сака да ја промени политиката на европско ниво. Антибриселската реторика е присутна во неговата политика веќе со години, тој има јасни намери да ја промени европската политика и ова би можело да биде добра реклама за тоа - рекол Бадоки.
Тој потсетил дека владата на Орбан ја гради својата политика на многу силен антимимигранстки став и дека одлуката да прими мигрант кој е политички изложен и кој е осуден за корупција предизвика бурни реакции посебно кај опозициските партии и независни медиуми.
-Најинтересна работа во врска со оваа одлука е дека владата на Орбан неодамна го усвои тоа дека помошта не илегалните мигранти е кривично дело казниво со затворска казна, а се случи тоа самата влада на Груевски му помогнала да избега од Македонија и во неговиот пат до Унгарија.
Фото: Ројтерс