АРХИТЕКТУРА, ИСТОРИЈА, МУЗЕИ: Романско летувалиште станува популарно за туристите
Објавено во: Свет 27 Јануари, 2024
Oдморалиште во Романија станува популарно помеѓу љубителите на патувањата поради убавината, но и прифатливите цени. Тоа е одморалиштето Мамаја во Констанца.
Најдобро време за посета е дефинитивно доцна пролет, или почетокот на летото, кога температурата е 25 степени или повеќе.
За престој во хотел со три ѕвезди ќе платите меѓу 40 и 60 евра. Главното јадење во ресторанот се движи од 8 до 10 евра, а половина литар пиво чини речиси половина колку на хрватското приморје. Но, и во Констанца има скапи места каде лесно можете да ја оставите целата своја плата, пишува Punkufer.hr.
Станува збор за град со огромна историја, основан уште во 600 година п.н.е. Сместен е на Црното Море и е преполно со песочни плажи, а цело лето е домаќин на фестивали. Сепак, како што пренесува британски „Метро“, архитектурата, историјата, музеите и храната и пијалоците гарантираат дека секој патник може да најде нешто по свој вкус. Лани имаше многу натписи во медиумите дека Хрватска е скапа дестинација, па дури и поскапа од Шпанија.