АСАНЖ ЌЕ БИДЕ ОСЛОБОДЕН? Основачот на Викиликс, кој го тресеше САД, нема да биде екстрадиран
Објавено во: Свет 21 Март, 2024
Основачот на Викиликс, Џулијан Асанж, можеби нема да биде екстрадиран во САД, пишува Wall Street Journal, повикувајќи се на извори во американското Министерство за правда кои наведуваат дека Вашингтон ја разгледува можноста Асанж да се изјасни за виновен за помало кривично дело.
Американското Министерство за домашна безбедност, наводно, размислува да му дозволи на Асанж да се изјасни за виновен за лошо постапување со доверливи информации, што може да резултира со негово ослободување од британски затвор и да избегне екстрадиција, пишува американскиот весник.
САД бараат екстрадиција на Асанж за објавување тајни воени досиеја во 2010 и 2011 година, а Врховниот суд на ОК одлучи дека Асанж треба да биде екстрадиран, отфрлајќи ги тврдењата дека може да изврши самоубиство во американски затвор поради лошо ментално здравје.
Во 2010 година, порталот на Асанж „Викиликс“ објави видео од американската армија, на кое се гледаат десетици луѓе убиени во напад на хеликоптери Апачи во Багдад во 2007 година, меѓу кои и двајца новинари на Ројтерс.
Оттогаш, Викиликс објави илјадници тајни доверливи документи и дипломатски извештаи во кои се критикуваат американските светски лидери, од рускиот претседател Владимир Путин до членовите на саудиското кралско семејство.
Асанж во САД е обвинет за 17 точки за шпионажа, а доколку биде прогласен за виновен, според неговите адвокати, може да се соочи со казна затвор до 175 години.
Американските обвинители, пак, тврдат дека казната нема да биде подолга од 63 месеци, пренесува Танјуг.