Асенд Капитал отвара кол центар во Македонија, се планираат 150 вработувања

Добивај вести на Viber

Британската компанија Асенд Капитал која воедно е и сопственик на Актив Груп со глобална мрежа на Кол Центри во Европа и Африка од Велика Британија ќе инвестира во Македонија. Ова денес на прес конференција го најавија директорот на Агенцијата за странски инвестиции и промоција на извозот Висар Фида и директорот на компанијата Џастин Драмонд. „Асенд Капитал отвара кол центар за директен маркетинг и регионална продажба на еколошки препарати за чистење, инвестиција вредна неколку стотици илјади евра. Од регионот, првично ке се опфатат земјите од Балканот како Србија, Бугарија, Косово и Турција. Во период од 12 до 18 месеци Британската компанија планира да вработи 100 до 150 млади кадри од Македонија со познавања на регионалните јазици. Покрај вработувањата кои се најголема придобивка за земјата инвестицијата ке влијае и на подобрување на трговскиот биланс со земјите од регионот”, изјави директорот на Агенцијата Висар Фида. Сопственикот на британската компанија, Џастин Драмонд пак посочи дека ова е одлична можност и за нив. „Oваа првична инвестиција ќе преставуваа одлична платформа за проширување на нaшите инвестиции во Македонија“, истакна Дранонд, а беше посочено и дека од компанијата ја разгледуваат можноста за инвестирање во хотелиерството, во индустријата за недвижнини и минерални ресурси. Како главни причини за одлуката за инвестирање во Македонија компанија ја посочи одличната деловна клима во земјата, стабилната макроекономска политика, цената на трудот и помошта од Агенцијата за Странски Инвестиции и канцеларијата во Велика Британија.