Банкарите прогнозираат – догодина ќе расте кредитирањето на банките

Добивај вести на Viber

Идната година се очекува заживување на банкарскиот сектори и зголемување на кредитирањето на банките, смета Ѓорѓи Јанчевски претседател на Здружението на банкари, кој денеска беше реизбран за оваа функција во следните 4 години. Охрабрувачки се податоците од статистика дека, третиот квартал е со добар пораст, значи дека и банкарскиот сектор ќе заживее зашто ликвидноста и натаму е голема, има доста пари кои треба некаде да се пласираат, вели Јанчевски. Според него, засега нема најави за окрупнување на банкарскиот сектор иако се претпоставува дека тоа би требало да се случи. „ Економската логика оди на тоа дека помалите банки не ќе можат подолго време да издржат со ова темпо во услови кога маржите на банкарскиот сектор се намалуваат. Секоја, и помала банка треба да има одредени функционалности. Во битката со поголемите банки тие не би можеле подолго време да издржат па логично е да има некое окрупнување. Но, дали тоа ќе се случи, нема навестување“, истакна Јанчоски. За Јанчоски пазарот е менлива категорија. Банките, вели тој, не запреле со кредитирање туку продолжуваат со тие активности. „Минатата година во услови кога немаше раст, не можевме да го зголемиме кредитирањето“, истакна Јанчоски. И заменик претседателката на Здружението, Јитка Пантучкова доби уште еден мандат од 4 години за својата функција. Таа смета дека банкарскиот сектор и банкарската регулатива во Македонија се целосно изедначени со оние на Европската унија и ја нарече 2013 - година на странски инвестиции за Македонија.