БАУЕР ЗА ВОЈНА МЕЃУ НАТО И РУСИЈА: Дали сме подготвени? Одговорот е да!
Објавено во: Свет 22 Март, 2024
НАТО е спремно за војна со Русија.
Претседателот на Воениот комитет на НАТО, адмирал Роб Бауер денеска го потврди тоа. Вели дека ако веднаш дојде до конфликт, тие ќе се борат со она што го имаат.
„Дали сме подготвени? Одговорот е да! Наша главна задача е да бидеме подготвени“, изјави Бауер во интервју за „Армијаинформ“, списанието на украинското Министерство за одбрана.
Бауер го повтори она што претходно го кажа Генералниот секретар на НАТО, Јенс Столтенберг, дека војниците на НАТО не се присутни во Украина и дека Алијансата не планира да ги испрати таму.
„Но, ако некоја земја одлучи да испрати свои војници таму, тоа ќе биде во врска со остатокот од Алијансата. Се обврзавме да си помагаме меѓусебно ако некоја членка е во тешка ситуација. Затоа земјите од НАТО ќе се консултираат пред да донесат таква одлука“, рече тој.
Бауер повтори дека еден од условите за членство на Украина во НАТО е отсуството на воени операции на нејзина територија.
Претседателот на Европскиот совет, Шарл Мишел, во петокот рече дека најновите воени тврдења на Русија ја покажуваат „важноста од градењето на сопствената одбранбена индустрија на Европската унија“.„Секој што мисли дека Русија ќе застане во Донбас и Крим е во заблуда“, изјави францускиот претседател Емануел Макрон.
Инаку, Франција прва ја отвори темата за испраќање војници во Украина. Руската инвазија на Украина почна пред повеќе од две години.