„Белград на вода” – проект кој ќе го смени ликот на градот

Добивај вести на Viber

Почетокот на реализацијата на проектот „Белград на вода" е можно кон крајот на 2014 година кога треба да започне изградбата на голем трговски центар, велат за РТС во администрацијата на градот. Белград би требало да добие  нов изглед и нови извори на приходи преку проектот „Белград на вода" , пренесува РТС и потсетува дека козметичките промени не се доволни за Белград да се слушти кон крајбрежјето, туку дека треба да се измени и линијата на автобусите и железничката станица и реши проблемот со земјиштето. Според информациите од Владата на Србија, Белград со проектот треба да добие сосема нов изглед. За време на разговорите со шеикот Мохамед бин Зајед, е договорена инвестиција од 3,1 милијарди евра. Неговата визија на проектот е претставена и од страна на Мохамед Алабар , човекот кој го изградил најголемиот дел од Дубаи и Абу Даби. Претседателoт на привременото собрание на Белград, Синиша Мали вели дека целиот проект е правен по терк на градови кои имаат слична позиција како Белград - се наоѓаат на реки. Такви, вели тој се  Копенхаген, Линц , Манчестер. „Ова е проект кој , ако се реализира, во голема мера може да придонесе за развојот на Србија и Белград", вели Мали. За Белград да се спушти кон водата, има пари, велат надлежните. Во државна сопственост се 95 проценти од земјата, додека останатите пет проценти ќе се регулираат преку експропријација, кога проектот ќе биде прогласен за проект од национален интерес, велат  градските власти . Синиша Мали вели дека планот е да се работи во фази, каде првата фаза вклучува изградба на голем трговски центар што може брзо да се направи. „Може да почнеме кон крајот на следната година. Ова е проект кој ќе трае неколку години", вели Мали. На десниот брег на Сава е предвиден дел за хотели, деловен простор , домување и спортски центри. Оние кои работат на проектот велат дека, иако планот за проектот „Белград на вода" доаѓа надвор од нивната земја, ќе се ангажира локална работна сила, од факултетлии до градежници. Идејата за промена во изгледот на овој дел од Белград е стара неколку децении  и за тоа време се менуваа имињата. По 2000 -та властите имаа намера за изградба на Савски амфитеатар, а во последниве години активно се разговара за „Белград на вода“.