Добивај вести на Viber
Kако последица на задолжувањата и крпењето на градскиот буџет години наназад, Белград се соочува со опасност од банкрот. Ова го тврди претседателот на белградскиот привремен градски совет, Синиша Мали, кој смета дека за ваквата состојба виновни се новите задожувања.
Според него, со години се применува филозофијата дека не е важно колкави се приходите, бидејќи колкави и да се трошоците, ќе ги покриеме со земање кредити, смета тој.
За српска „Политика“ објаснува дека годинава во градскката каса бил собран приход од 558 милиони евра или 113 милиони евра помалку од планираното.
„Ако не биде запрена ваквата негатива спирала, Белград би можел да се најде во состојба повеќе никој да не сака да му позајмува пари или ќе биде толку задолжен што повеќе нема да може да ги плаќа ратите на кредитие“, смета претседателот на белградскиот привремен градски совет.