БЕРЗАТА СВЕТНА ВО СИЛНА ЦРВЕНА БОЈА, НЕКОЛКУ ДЕНА ПАД НА ЦЕНИТЕ - што ги кутна врвните македонски акции
Објавено во: Финансии 06 Февруари, 2025 08:20
Дали е последица на случувањата во светот и на сите економски „потреси“ кои со себе ги „донесе“ новиот американски претседател Доналд Трамп, дали се должи на домашни фактори и на своевидно благо ладење на инвеститорите после ланската фантастична берзанска година, но деновиве Македонската берза сериозно засвети во црвена боја.
Што ја донесе мечката на македонскиот пазар на капитал ќе кажат аналитичарите, но факт е дека иако падот на берзанските цени на домашните акции, односно на берзанскиот индекс МБИ10 стартуваше некаде од 21 јануари годинава, но неговата надолна линија особено се засили во оваа недела.
Па така, во петокот минатата недела Македонскиот берзански индекс во однос на претходниот ден се намалил за 0,25 отсто, а акциите главно паѓале и тоа Алкалоид за 0,42 отсто, Гранит за 0,38 проценти, Реплек и Стопанска банка Битола за над 0,9 отсто, а Макстил имал пад од 2,07 отсто, при што во последниот ден од минатата недела само Комерцијална банка имала благ раст од 0,24.
Но, работите почнуваат да одат навистина кон полошо во понеделникот, на стартот на оваа недела, кога МБИ10 доживува пад од 1,42 отсто. Главните акции од индексот исто така не се во добра положба на тој ден, па акцијата на Комерцијална банка паднала за 0,65 отсто, Алкалоид за 1,49 проценти, Гранит за 2,44 отсто, Макпетрол за 1,44 проценти, Стопанска банка Битола за 1,07 отсто и ТТК Банка за 2,96 проценти. Се сам минус до минус при тргувањето со акциите на главните и најтргуваните акционерски друштва.
Вторникот бил уште полош, МБИ10 доживува пад од 2,36 отсто, а мечката игра и кај сите други акции што се тргувале, и тоа Комерцијална банка, со минус од 2,97 отсто, Алкалоид за 4,11 проценти, Гранит се намалил за 0,13 отсто, Макпетрол за 2,8 отсто, Реплек за 1,84 проценти, ТТК за 1,18 отсто, и Витаминка за 0,7 проценти, додека на тој ден пораст имал само Макстил за 2,11 отсто.
И, вчерашниот ден МБИ10 повторно потонува, за 2,73 проценти, или Комерцијална се намали за 5,04 отсто, Алкалоид за 3,45 проценти, Гранит за 1,23 отсто, Макпетрол за 1,12 отсто, Макстил за 1,68 проценти и ТТК за 3 отсто.
Што се случува на нашата берза не е јасно, но вчера во црвено светеше и Белградската берза, додека, пак, индексот на Загребската берза имаше благ раст за околу 0,5 отсто.
Ако во ноември и декември лани но и се до 20 јануари годинава домашните инвеститори буквално се испотепаа за акциите на најмоќните домашни компании и банки, после тој датум како да се „свичнаа“ и не се интересираат за купување акции, освен во компанијата каде има бурна сопственичка промена.
А, како што објавија светските медиуми, деновиве, откако американскиот претседател Доналд Трамп воведе царини за Мексико, Канада и Кина, кои ќе погодат трговија во вредност од милијарди долари, што ќе предизвика тресење на светските берзи и валутни пазари, Европа исто така се подготвува за удар.
Тој ден Паневропскиот индекс STOXX 600 падна за 1,3 отсто во утринското тргување, што е негов најголем еднодневен пад оваа година, а дериватите на S&P 500 паднаа за 1,4 отсто, пренесува Ројтерс. Загрепската берза исто така во понеделникот поцрвене, а Crobex падна за 1,13 отсто непосредно пред затворањето на тргувањето.
Европската унија ќе биде следна на линијата за стрелање, најави Доналд Трамп, но не кажа кога. „Не ни ги земаат автомобилите, не ни ги земаат земјоделските производи. Тие не земаат речиси ништо, а ние им земаме сè“, им рече Трамп на новинарите.
Н.Н.Ф.
Фото: ЕПА
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
