Добивај вести на Viber
Јавното претпријатие, Елктростопанство БиХ поднело до Европскиот суд за човекови права во Стразбур шест претставки преку кои бара заштита на правото на сопственост на недвижностите во Хрватска.
Претставките се однесуваат на недвижнини (објекти и земјиште) кои Електростопанство БиХ ги поседува во Ситуван, Градц, Макарска, Биоград, Лукоран и Башка Вода.
Правниот тим на Елктростопанство БиХ претходно ги исцрпил сите правни средства со цел заштита на имотот и имотните права во рамки на правосудниот систем на Република Хрватска.
Клучна препрека за позитивно решавање на барањето на Електростопанство БиХ е уредбата за забрана за располагање со недвижности на територијата на република Хрватска и законот за забрана за располагање и превземање на средства на одредени правни личности на територијата на Република Хрватска.
Донесувањето на уредбите за забрана за располагање со недвиности на територијата на Хрватска создадени се комплицирани механизми кои оневозможуваат ефикасна заштита на имотот на правни лица од земјите создадени по распадот на СФРЈ.
Во претставките поднесени на 29ти Ноември до Европскиот суд за човекови права, Електростопанство БиХ истакнала дека со односот на управните и судски органи на Хрватска кон нејзините имотни права на недвижностите се повредени одредбите на Европската конвенција за заштита на човековите права и основни слободи, правото на правично и јавно судење, правото на имот и правото на делотворен правен лек.
Електростопанство БиХ, според објавеното во нивното соопштение, очекува дека Европскиот суд за човекови права во Стразбур ќе ја задолжи Хрватска во согласност со своите правни прописи со Европската конвенција и дека ќе и биде овозможен пристап до надлежните органи во Хрватска за заштита на нејзините права на имот, враќање во соспственост на недвижностите и остварување на сопственичките права, а побарана е и соодветна надокнада по основ на нематеријална штета.
К.К