Бил Гејтс повторно најбогат според листата на Форбс!
Објавено во: Мои пари 02 Март, 2015 20:29
Според најновата листа на Форбс на најбогатите луѓе на светот, богатството на Гејтс, коосновач на америкнската софтверска компанија Мајкрософт, е зголемено од минатата година за 3,2 милијарди долари на вкупно 79,2 милијарди долари.
Мексиканскиот бизнисмен Карлос Слим се задржа на втората позиција на листата на Форбс, благодарение на богатство од 77,1 милијарди долари, наоѓајќи се така пред американскиот милијардер и инвеститор Ворен Бафет и неговото богатство од 72,7 милијарди долари.
Бафет воедно е и најголем добитник на овогодишната листа на Форбс, бидејќи неговото богатство пораснало за 14,5 милијарди долари во однос на минатата година, благодарение на растечката вредност на акциите на неговиот инвестиционен фонд „Беркшир Хатавеј“.
На четвртото место на листата на Форбс е Амансио Ортего, основач на модната куќа Индитекс, во рамки на која соработува брендот Зара. Неговото богатство е проценето на 64,5 милијарди долари.
Коосновачот на социјалната мрежа Фејсбук Марк Цукенберг, напредуваше за пет места, завршувајќи на 16 место, што е прв пат да се најде внатре во престижниот круг од 20 најбогати луѓе во светот.
Кинескиот милијардер Џек Ма, чија платформа за трговија преку интернет Алибаба минатата година имаше најголема јавна понуда да акции на Њујоршката берза некогаш, влезе помеѓу 50 најбогати луѓе на светот, заедно со уште двајца кинески државјани.
Забележиво, е дека, според листата на Форбс, бројот на милијардери непрекинато расте, па оваа година нивниот број достигна нов рекорд од 1.826 милијардери во однос на минатогодишните 1.645.
Јакнењето на доларот спрема еврото, во комбинација со падот на цената на нафтата, според оценките на Форбс, имало значајно влијание на овогодишната листа на најбогати луѓе на светот.
Можеби ќе ве интересира
Празници полни со топлина: dm донираше повеќе од 200 пакети со основни прехранбени намирници, дистрибуирани преку хуманитарната организација ,,Свети Спас“
Што открива зелениот плик и зошто е важно да го разберете
Пивара Скопје и РФМ потпишаа договор за спонзорство – 45 години партнерство и поддршка за македонскиот ракомет
Волшебно новогодишно одбројување во Дајмонд мол до крајот на декември
Гевгелија Мол ги отвори вратите – шопинг и забава под еден покрив
СЕТЕК РОДЕНДЕН во СИНО – блискост, радост и исполнети желби
Како да заштедите во сезоната на големи трошоци? Искористете ги бонус поените на Халкбанк
Gold Felicia Тетово – идеална дестинација за корпоративни празнични забави
ВИДЕОЛОТАРИЈА ЈА РЕАЛИЗИРАШЕ ТРАДИЦИОНАЛНАТА 25 КРВОДАРИТЕЛНА АКЦИЈА
