Битката со коронавирусот ја изгубија седум трудници
Објавено во: Македонија 22 Декември, 2020
Седум трудници и 21 здравствен работник починале од коронавирус во Македонија.
До 20 декември пријавени се вкупно 78.432 случаи на заразени со коронавирусот. Имало 40.048 машки и 38.384 женски лица кои се заразиле. Регистрирани се 2.314 смртни случаи. Од нив 1.460 смртни случаи се лица од машки пол и 854 се лица од женски пол. Најголем број на смртни случаи се регистрирани на 30 ноември. Во однос на коморбидитети, од случаите кои се епидемиолошки истражени, кај 18.208 (30,6%) лица се присутни хронична/и здравствени состојби, од кои 12.463 лица имаат кардиоваскуларна болест, 4.693 дијабет, 2.525 се со хронична белодробна болест и 3.361 со други хронични болести. Од хоспитализираните случаи, кај 4.093 (62,6%) се присутни коморбидитети. Во земјава се направени 184.232 тестови на 1.000.000 жители. Според ИЈЗ, земјава е во фаза четири односно широко-распространета трансмисија на вирусот во заедницата.
Во последните 24 часа во Македонија има 26 починати, соопшти Министерството за здравство.