Бизнис бонбона! На што раководството во заминување на државниот ЕСМ ќе потроши 2 милиони евра во само два дена?
Објавено во: Економија 08 Август, 2024
Не „штанца“ тендери на заминување само раководството на РЕК Битола. И нивните шефови од „централата“ односно менаџментот на ЕСМ вчера објави „тајна“ јавна набавка за струја за два дена ќе плати 2 милиони евра (наши очекувања според актуелни берзански цени н.з.)
ЕСМ, државната компанија за производство на струја односно поранешен ЕЛЕМ, ќе плати барем 2 милиони евра за да купи струја што ќе им биде испорачана почнувајќи од денеска па заклучно до полноќ оваа сабота спрема недела.
„Фактор“ дојде до документацијата за јавна набавка со која ЕСМ бара понуди да купи 200 мегавати моќност за период од 48 часа. Станува збор за вкупно 18.200 мегаватчасови електрична енергија за кои според актуелните берзански цени (според ХУПЕКС н.з.) ЕСМ ќе плати барем 2 милиони евра. Проекцијата ја направивме врз основа на денешната цена на струјата постигната на, за нас, референтата берза ХУПЕКС. Базната цена за денеска изнесува 107 евра за еден мегаватчас струја.
Набавката предвидува понудувачот да продаде 9.600 мегаватчасови за цел ден денеска (значи 24 часа) и уште 9.600 мегавати за 24 часа на 10 август.
Куриозитет е тоа што повеќе месеци наназад ова раководство на ЕСМ, кое чека смена, не работи транспарентно и не ги објавува јавните набавки за увоз на струја. И за тоа не понесува никаква одговорност.
Предмет на набавка се 200 мегавати моќност. Тоа значи капацитет на цел еден блок на РЕК Битола, но само на хартија. Затоа што ниту еден блок на РЕК Битола одамна не произвел 200 мегавати за еден час.
Енергијата што се бара за потребите на системот значи дека РЕК Битола или барем два од трите негови блока нема да се во функција за тие два дена во кои ЕСМ купува струја преку „тајна“ јавна набавка.
„Фактор“ направи обид да провери колку електрична енергија произведува РЕК Битола во поседлниот месец, но податоци ќе можевме да обезбедиме. Затоа што МЕПСО државниот систем-оператор кој има обврска да објавува податоци за производство и потрошувачка на струја секојдневно ја нема ажурирано веб страницата од 14 јули годинава.
Повеќе детали за тоа колку и за кои пари РЕК Битола „пазари и најмува“ работна рака на следниот линк https://faktor.mk/raspaljotka-vo-rek-bitola-kako-stigna-rakovodstvoto-vo-zaminuvanje-da-dade-30-tenderi-za-samo-edna-nedela
Р.Ф.* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
НАЈВИСОКИ ПЛАТИ ВО МАКЕДОНИЈА: Кои сектори се на врвот?
МЕГАПРОЕКТ КОЈ ЈА МЕНУВА СЛИКАТА НА ЦЕЛИОТ КОНТИНЕНТ: Вреди 3,1 милијарди долари, го изградија Турците
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
ГРИН МАШИНС НА БРАКО НА КЛУЧЕН ЕВРОПСКИ САЕМ ЗА ЗЕЛЕНА И ЦИРКУЛАРНА ЕКОНОМИЈА ВО ИТАЛИЈА
НАПАДОТ ОД ВЧЕРА ИМАШЕ ВЛИЈАНИЕ: Руската валута е на најниско ниво во однос на доларот од март 2022 година
