БИЗНИС ФАЦИ 2013, Глигор Бишев: банкарски трансфер на деценијата!

Добивај вести на Viber

Она што не се ниту наслутуваше, а сепак задкулисно се шпекулираше – се случи! Долгогодишниот кормилар на една од најмоќните банки во земјава направи банкарски транфер на деценијата. Глигор Бишев по 12,5 години менаџирање на Стопанска Банка, седна во директорската фотеља во Шпаркасе Банка. Консултациите со Атина, ги замени со консултации во Грац. Повисока понуда, подебела месечна плата, поголем предизвик или нешто друго? Која беше причината за овој потег? Официјалните соопштенија ги предочија само фактите за трансферот. Неофицијалните упатуваат на тоа дека Бишев, по трансферот, од Шпаркасе Банка ќе направи групација која засилено ќе зграбува од банакрскиот колач во земјава , а не се исклучени ниту натамошни банакрски превземања предводени токму од Шпаркасе банка. По менаџерската консолидација, австриската банка влезе во операција на поагресивно банкарско инфилтрирање – нови кредити, пониски камати, нов начин на утврдување на кредитната способност на клиентите. Во годината што измина Шпаркасе Банка ја доби и наградата за општествена одговорност. Под раководство на Бишев, банката стана спонзор на Кошаркарската федерација на Македонија. “Спонзорството на КФМ е дел од својата стратегија за корпоративно општествена одговорност“ - изјави Бишев. Како банка која поттекнува од земјата на Алпите, и во 2013 та го поддржа Аматерскиот хуманитарен велелслалом што се оддржа во Маврово, а парите зваршија за хуманитарни цели – за децата од СОС детското село. Шпаркасе Банка полека но сигурно велезе во конкурентската витка со “волците“. Што ќе донесе овој “децениски“ трансфер на Бишев во банкарскиот сектор, ќе покаже времето.