БЛИНКЕН ОД ДАВОС: „Ситуацијата во Газа е болна, ми го крши срцето“

Добивај вести на Viber

Американскиот државен секретар Антони Блинкен зборуваше за настаните на Блискиот Исток и дипломатските напори за ставање крај на војната на настанот во Давос.

Блинкен, кој неодамна се врати од дипломатска турнеја низ регионот на Блискиот Исток, смета дека мора да се создаде таква рамка во која Израел, арапските лидери и „реформираната палестинска самоуправа“ би се вклучиле во решавањето на ова прашање. Според Блинкен, ниту едно решение нема да биде лесно, но околностите се доволно променети за да доведат до конечно решение.

Блинкен ги нарече палестинските страдања во Газа „измачувачки“, додавајќи дека „мора да има друг начин“ да се реши загриженоста на Израел.

„Она што го гледаме секој ден во Газа е болно, а страдањето што го гледаме меѓу невините мажи, жени и деца ми го крши срцето“, рече Блинкен.

Блинкен ја опиша „трагедијата“ во Газа како „погубна“.

US Secretary of State Antony Blinken is asked at Davos if "Jewish lives matter more than Palestinian and Muslim lives"

His answer: "No, period" https://t.co/AuXh81ye9j pic.twitter.com/p0VfFEugU4

— Bloomberg Politics (@bpolitics) January 17, 2024

„Убеден сум дека мора да има друг начин кој ќе одговори на најдлабоките грижи и прашања на Израел. Израелците мора да живеат безбедно. Ниту една земја не би прифатила повторување на 7 октомври“, рече шефот на Американската дипломатија.

За време на израелската воена кампања, најмалку 24.448 Палестинци беа убиени, а 61.504 ранети. Меѓу нив има и голем број жени и деца.

Фото: Принтскрин/Твитер