Богов: Македонската економија да ја задржи стабилноста за да биде цврст столб на сите политики

Добивај вести на Viber

Гувернерот на НБРМ, Димитар Богов повика да се направат напори македонската економија да ја задржи стабилноста и добрите перформанси во иднина, за да остане цврст столб на сите останати политики во земјава. Со тоа, според Богов, се гарантира стабилноста на земјата во пошироки рамки. Сега, додава тој, треба да се внимава да не се наруши рамнотежата во македонската економијата бидејќи, како што рече, догодина се очекува закрепнување на растот на приватниот сектор. „Ако досега тој беше поттикнуван од странските директни инвестиции и јавните инвестиции, сега од приватниот сектор, со тоа ќе се зголемува и домашната побарувачка и во такви услови треба да се внимава да не се наруши рамнотежата во македонската економија,“ посочи Богов. Во однос на оценката на Светска банка рече дека можеби најдобро стоиме во регионот, но треба да бидеме внимателни, додека за задолжувањето смета дека темпото кај сите земји беше забрзано . Првиот човек во НБРМ смета дека девизните резерви се стабилни и можат да ги издржат сите потенцијални шокови. Богов денеска беше дел од предавањето на Американ колеџ, а на тема „Монетарната политика по глобалната криза и користењето на неконвенционалните мерки:Светот и РМ“ .