Богов: Нашите проекции се поточни од оние на ММФ

Добивај вести на Viber

Најновите прогнози на директорите од ММФ дека до 2018 година јавниот долг на државава ќе достигне 49 отсто од БДП, за гувернерот на НБРМ Димитар Богов се проекции кои не се сеопфатни и имале регионален контекст. „Сите ние имаме различни проекции. Ќе видиме која проекција на крајот ќе биде точна, но изминатите години покажаа дека нашите проекции се сепак секогаш поблиски до остварувањата. Причината за тоа е што ние имаме најсеопфатен модел за македонската економија додека меѓународните институции немаат посебен модел за македонската економија туку ја гледаат во еден регионален контекс при што веројатно и посветуваат многу малку внимание“, вели Богов, кој пред студентите на Економскиот факултет во Скопје говореше за предизвиците на македонската економија. Податокот дека Владата само за 45 дена во предизборието потроши речиси половина од планираниот буџетски дефицит за годинава, за гувернерот не е причина за загирженост. Но, тој сепак нагласи оти не смее повеќе да се продлабочува дефицитот во државната каса. Богов смета дека претстојните избори нема да предизвикаат турбуленции во економијата, доколку се води „нормална и цивилизирана кампања“. Фото: МИА