Добивај вести на Viber
Плаќањето со виртуелната валута биткоин во Македонија е противзаконско, предупредува гувернерот на НБРМ Димитар Богов, откако стартап-фирмата CodeWell (КоудВел) која се занимава со изработка на апликации за мобилни телефони и нуди програмерски услуги за странски и домашни компании, најави дека прифаќа транскации во биткоини.
Гувернерот ги предупредува граѓаните да не инвестираат во биткоин затоа што се работи за ризична валута. „Не ги охрабрувам граѓаните да работат и да вложуваат во виртуелната валута биткоин. Таа е шпекултативна валута, подлежна на големи осцилации и, според тоа, многу ризична за вложување.Тоа се гледа и од фактот што на почетокот тргна како валута од еден долар и многу брзо се искачи над 1.000 долари, а потоа падне за 50 отсто“, вели Богов.
Во земјава легалното плаќање се одвива во денари. Употребата на девизи во плаќањето, па и на виртуелната валута биткоин ќе се третира како нелегално и ќе подлежи на санкции, предупреди гувернерот.
Виртуелната валута веќе има мала комерцијална употреба во светот, но сè уште не е прифатена како платежно средство од страна на владите и централните банки.