Бранко Манојловски бара амнестија за вмровците
Објавено во: Македонија 17 Октомври, 2018
Пратеникот од ДУИ, Бранко Манојловски, на денешната пленарна седница во Собранието порача да се амнестираат сите обвинети функционери и партиски активисти и државата да ги заштити пратениците за да можат слободно да гласаат.
Вели целта е ЕУ, НАТО, високи плати, добра економија и навремени пензии.
„Јас би сакал да предложам нешто практично. На секој вмровец кој ќе гласа за предлогот, државата да стои позади него, да гарантира за неговата иднина, али прво ќе треба да гласа, и ќе се знае кој ќе гласа. Да се амнестираат сите грешници, амнестија за сите, поевтино е, сѐ друго е скапо, затворските соби се скапи. Дајте да ги амнестираме, доста страдаа, пројдоа маки. Да бидеме практични. Поевтино е да им помогаме на вмровците, да стоиме зад нив ако имаат нешто кртично во партијата, да можат слободно да гласаат“ – рече Манојловски.
Дајте им право, додаде тој, на вмровците да гласаат и стојте зад нив.