Британците ќе тестираат дали аспиринот помага на заразени со коронавирусот
Објавено во: Свет, Корона Вирус 06 Ноември, 2020
Во Велика Британија, аспиринот ќе се тестира како можен лек против коронавирусот.
Пациентите заразени со коронавирус имаат зголемен ризик од згрутчување на крвта поради хиперреактивните тромбоцити, крвните плочки важни за запирање на крвавењето.
Аспиринот е антитромботичен агенс кој може да го намали ризикот од згрутчување на крвта, објавено е во петокот од Рекавари трајл.
„Постојат јасни причини за поддршка на тезата дека аспиринот може да биде корисен, а покрај тоа е безбеден, евтин и широко достапен“, вели Питер Хорби, еден од лидерите на студијата.
Повеќе од 2.000 случајно избрани пациенти треба да примаат 150 мг аспирин дневно со вообичаениот режим.
Податоците за опоравување на овие пациенти ќе се споредат со податоците на најмалку 2.000 други пациенти кои ќе примат друга стандардна терапија.
Вакцината за коронавирус што ја развива универзитетот Оксфорд минува низ последната фаза на тестирање, а резултатите може да и бидат презентирани во јавноста пред Божик, на 25 декември, објави Ројтерс.