БУЧКОВСКИ: ЗАД ПРОТЕСТИТЕ И ПРЕДЛОГОТ ЗА РЕФЕРЕНДУМ СТОИ РУСИЈА - вели дека не е само Левица дел од ова сценарио

Добивај вести на Viber

Владо Бучковски, поранешниот премиер и поранешен специјален претставник на Владата за преговорите со Бугарија, за „БГНЕС“ изјави дека зад протестите и предлогот за референдум за поништување на Договорот со Бугарија - стои Русија.

Зад антибугарската хистерија во Република Македонија – протестите и предлогот за референдум за укинување на Договорот за пријателство со Бугарија – стои Русија која долго време работи на дестабилизација на регионот, смета поранешниот премиер.

Тој во изјава за „БГНЕС“ вели дека нема враќање назад во бугарско-македонските односи и дека со помош од Софија ќе го спроведеме францускиот предлог и ќе станеме членка на Европската унија.

Ова специјално за БГНЕС го изјави поранешниот македонски премиер Владо Бучковски.

Владо Бучковски истакна дека Москва нема интерес за стабилност на Западен Балкан. Тој потсети дека Бугарија на почетокот на летото протера 70 руски дипломати и дипломатски персонал од руската амбасада во Софија, а РСМ протера и неколку дипломати.

„Не е тајна дека Русија долго време работи на дестабилизација на земјите од Западен Балкан“, потенцира поранешниот македонски премиер.

Тој е убеден дека РСМ сфатила што може да предизвика најмногу емоции, а тоа се бугарско-македонските односи.

„Зад протестите и зад желбата за одржување референдум стои руското влијание. Порано или подоцна тоа ќе стане многу појасно“, потенцира Владо Бучковски, додавајќи дека „не само партијата Левица е дел од ова сценарио“.

Тој го изрази своето задоволство што Бугарија и РСМ ги одржуваат добрите односи.

„Пријатно сум изненаден што и на официјално ниво во времето кога премиери беа и Кирил Петков и Бојко Борисов, како и неколкуте преодни влади, одржувавме добри односи“, рече Бучковски, прецизирајќи дека тоа било многу корисно особено по агресијата на Русија против Украина.