Буџет: Планираа да соберат 2,4 милијарди евра, а ќе има дупка од 200 милиони евра!
Објавено во: Финансии 28 Декември, 2012
До крајот на ноември во државната каса се собрани околу две милијарди евра. Според планираното, за 12 месеци во буџетот требаа да влезат 2,4 милијарди евра. што значи дека за да се остварат планираните проекции, треба во декември во државната каса да се соберат двојно повеќе од вообичаеното на месечно ниво односно 400 милиони евра, што е невозможно.
На месечно ниво досега се собираа по околу 200 милиони евра.За годинава беше планирано најголем дел од буџетот да биде прилив од ДДВ, односно 719 милиони евра. Во просек 65 милиони евра месечно требаше да се соберат од ДДВ, а кусокот е 148 милиони евра.