ЦЕНИТЕ ДИВЕАТ, А ЗА ДА ЗАШТЕДАТ ПАЗАРАТ ВО ДРУГА ЗЕМЈА: Успешно „скрпуваат“ до 100 евра, Хрватите на тешки маки

Добивај вести на Viber

Хрватските граѓани често одат на шопинг во Словенија, каде што цените се пониски, некои и значително, а малата словенечка општина Илирска Бистрица е шопинг дестинација за Хрватите.

Жителката на Риека, Мирела, пазари во Илирска Бистрица најмалку два пати месечно.

- Цените дивеат, едноставно ненормално растат од ден на ден, мислам дека навистина излезе од секаква мерка. Потрошивме 180 евра, заштедивме околу 50, 60 евра, сигурно! Сите јогурти овде се горе-долу над едно евро, а тука можете да ги најдете за 30 центи“, изјави Мирела за хрватски RTL.

На пример, едно литарско шише јогурт чини 99 центи. Купувачите, револтирани од цените во Хрватска, велат дека разликите се драстични.

- Кај нас безбедни се 200 и над 200 евра! Овде потрошивме 152 евра, а количката е полна, колата спакувана и така одиме еднаш месечно - рече Јосип од Риека. Што е најисплатливо? - Сувомесни производи, особено салама, паштети, туна, овошје - вели Јосип.

-За секои 100 евра дефинитивно заштедувате од 30 до 50 евра, дефинитивно штедите. Гледате многу познати личности, правиме муабет, не се гледаме во Риека, но се гледаме овде – рекол Аднан.

- Секако дека сум лут, затоа сум тука затоа што се плаќа најмалку 30, 40 отсто повеќе за купување во Словенија или Италија отколку во Хрватска! Бидејќи нашите луѓе ги покачија цените до бесвест, сите сакаат брзо да се збогатат, а тоа не е во ред. „Се додека не ги намалуваат цените, на сите би им препорачал да пазаруваат во Италија и Словенија“, заклучува Мирослав.