ЦЕНИТЕ НА ВЕЌЕ СКАПИТЕ ПРОИЗВОДИ УШТЕ ПОВЕЌЕ РАСТАТ! Швајцарскиот прехранбен гигант тврди дека нема избор

Добивај вести на Viber

Тие го оправдуваат зголемувањето на цените на овие производи со новите американски царини кои го зголемуваат притисокот врз веќе рекордните цени на суровините.

Нестле забележа органски раст на продажбата од 2,9 проценти на годишно ниво во првата половина од 2025 година, над очекувањата на аналитичарите, првенствено благодарение на зголемувањето од 2,7 проценти на цените на производите и фокусот на премиум брендовите, објавува Ројтерс.

Вкупните приходи на компанијата, сепак, се намалија за 1,8 проценти на годишно ниво на 44,2 милијарди швајцарски франци, што е последица на негативниот валутен ефект од 4,7 проценти, односно силниот франк во однос на другите валути.

Извршниот директор на Нестле, Лоран Фризе, кој ја презеде функцијата точно пред една година, нагласи дека компанијата сега се фокусира на раст преку брендови со поголема вредност, а во исто време ги решава проблемите со непрофитабилните делови од бизнисот.

„Нестле“ потврди дека се држи до своите насоки за 2025 година - вклучувајќи го очекуваниот органски раст и маржата на оперативен профит од најмалку 16 проценти. Акциите на компанијата пораснаа за околу 4 проценти од почетокот на годината, но сè уште заостануваат зад конкурентите како што се „Унилевер“ и „Данон“.

Фризе на конференцијата на инвеститорите изјави дека цените на кафето и какаото достигнале рекордни максимуми, што дополнително ќе ги зголеми цените на производите на „Нестле“.

Цените на кафето арабика се зголемија повеќе од двојно од почетокот на 2023 година, додека цените на какаото се зголемија повеќе од трипати, објави CNBC.