ЧЛЕН НА УПРАВЕН ОДБОР НА ФАРМАЦЕВТСКА КОМПАНИЈА ДОЈДЕ ДО 350 АКЦИИ - Коста Котески го зголемува акционерскиот пакет во „Реплек“

Добивај вести на Viber

Директорите и членовите на бордовите во успешните компании постојано ккупуваат акции од друштвата со кои раководат. Тоа се вика доверба во биснисот, доверба во стабилноста и доверба во перспективите на компанијата.

Во последно време акции од фармацевтската компанија „Реплек“ купува членот на Управниот одбор, Коста Котески.

Ако тој пред околу седум-осум месеци поседувал само 30 акции на „Реплек“, сега тој, купувајќи постепено по неколку акции, располага со 350 акции на компанијата.

Имено, „Реплек“, како и секогаш транспарентно известува кој од менаџерите или од поголемите сопственици колку акции купил и со колкав процент од акциите располага, па така информираа дека Котески во најновиов период се стекнал со 10 акции, и сега поседува 350.  

„Постапувајќи согласно член 38 од Правилата за котација на Македонска берза АД Скопје, Реплек АД Скопје објавува дека членот на Управен одбор Коста Котески се стекна со 10 нови акции, при што вкупно поседува 350 обични акции“, се вели во објавата до инвеститорите. 

Ако се види колкава цена таа акција достигнала на последното тргување на Берзата на редовниот пазар, ќе се заклучи дека овие 350 акции на Котески вредат 84 илјади евра. 

На 6 април годинава, на пример, Котески располагал со 30 акции. 

Во моментов сопственичкатга структура е следна. Душан Пецовски, извршен директор и претседател на Управен одбор поседува 12,19 отсто од вкупниот број на акции, а неговиот брат Владимир Пецовски има 6,34 отсто од вкупниот број на акции.

Додека, пак, бизнисменот Зоран Азманов постепено го продава својот акционерски капитал во оваа компанија, бидејќи, како што тој неодамна изјави за Фактор, сака своите средства да ги повлече од акции и да ги инвестира во градежниот бизнис, што всушност е негов фах уште од стартот на неговата деловна кариера. Неодамна неговата компанија Настел ДООЕЛ продаде нови акции, и сега поседува 8,39 отсто од капиталот.