ЦРН ДЕН ЗА ИЗРАЕЛ: Во еден ден загубија 24 војници
Објавено во: Свет 23 Јануари, 2024
Цен ден за Израел. Државата објави дека 24 војници се убиени во Газа за еден ден.
Портпаролот на израелската војска, контраадмирал Даниел Хагари, за новинарите изјави дека 21 од војниците се подготвувале да урнат две згради со експлозив во понеделникот кога милитант истрелал ракета на тенк во близина и експлозивот во зградите експлодирал, уривајќи ги конструкциите врз израелските војници. Тројца други израелски војници загинаа во друг напад. Израелскиот премиер Бенјамин Нетанјаху изјави дека војската отворила „истрага за трагедијата“.
„Во името на нашите херои, заради нашите животи, нема да престанеме да се бориме до апсолутна победа“, рече израелскиот премиер.
Израелскиот министер за одбрана Јоав Галант денеска на X напиша дека тоа било „тешко и болно утро“.
„Оваа војна ќе ја одреди иднината на Израел во следните децении, а падот на војниците е услов за постигнување на целите на војната“, рече Галант.
Израелските сили извршија интензивни бомбардирања во јужниот дел на Газа, додека здравствените власти го обвинија Израел за напад на здравствени установи.
Западот бара формирање на две држави со цел да се стави крај на конфликтот.Палестинската терористичка група лани на 7 октомври го нападна Израел. Тие бараат формирање не независна држава Палестина со главен град Ерусалим.