ЦРНИ БИЛАНСИ - во Италија 651 починат, но барем помалку од вчера, во Шпанија вирусот однесе 375 животи
Објавено во: Свет, Корона Вирус 22 Март, 2020
Бројот на жртви од коронавирусот во Италија достигна 5.476 лица, со што таа земја сега има многу повеќе регистрирани починати од Кина, каде нивниот вкупен број е 3.261.
Само за едно деноноќие, последното, КОВИД-19 во Италија однесе нови 651 животи, а ако е некаква утеха, тоа е барем помалку од вчерашниот црн биланс од 791 лице.
Светските статистички податоци говорат и за голем број починати денеска и во Шпанија - 375, со што вкупната бројка е 1.756 и таа земја е трета по бројот на починати.
И во Иран нов црн биланс, 129 починати денеска од коронавирусот.
Загрижува бројката на жртви во САД, денеска биле 94, па сега се вкупно 396.
Високи бројки на нпочинати има и во Британија и во Холандија, 48 и 43.
Коронавирусот не престанува да зема жртви и во Кина, земјата каде се појави и каде сега нови заразени се „увезени“ од Европа. Денеска од оваа болест во таа земја починале 6 лица.
Вкупно во светот во последното деноноќие од коронавирусот починале 1.450 лица.