Д-Р ЛАЗАРОВ ПОБАРА ПОМОШ, „МИ ТРЕБА ДЕТСКИ СИРУП ОСПЕН, АМОКСИКЛАВ, ЗИНАТ ИЛИ ПАНЦЕФ“: Стрептокока пиогена врие, антибиотици нема
Објавено во: Македонија 13 Април, 2023
Д-р Ненад Лазаров
во обид да најде детски антибиотик во форма на сируп побара помош преку Фејсбук
и во негов стил напиша:
- Ми треба детски сируп Оспен, Амоксиклав,Зинат или Панцеф, пошто ова стана вукојебина каде основни лекови нема.
Потоа се заблагодари, нагласувајќи дека успеал да го најде лекот, но коментарите под објавата се многубројни, а меѓу нив пишуваат и лекари. Велат дека антибиотици нема, а дека во моментов има огромен број болни деца кај кои е детектирана бактеријата стрептокока пиогена, која дава гнојни ангини со многу висока температура, како и шарлах, за што неодамна пишуваше Фактор.
Д-р Светлана Смугревска, педијатар во Драчево посочува дека антибиотици нема повеќе од шест месеци.
-Врие стрептокока пиогена, со што да ги лечиме, изгореа децата од температура со докажана бактерија.
Се надврзува и докторката Елица Ресавска од Кавадарци, која вели дека се е дефицитарно.
-Сe e дефицитарно, оспен нема нукако никаде, се е дефицитарно во оваа наша дефицитарна земја, пишува таа.