ДА СУМ НА МЕСТОТО НА ЗДРАВСТВЕНИТЕ ВЛАСТИ НА АНТИВАКСЕРИТЕ ЌЕ ИМ КАЖАМ: Не се вакцинирајте, забавувајте се и патувајте, но ако се разболете ќе ве лекуваме колку што знаеме и можеме
Објавено во: Македонија 21 Јули, 2021
Професорот Дејан Трајковски од Техничкиот Универзитет во Битола во неговата последна анализа, пишува за ефикасноста на вакцините против корона вирусот.
Неговите проценки се дека ако се влезе во болница, како невакцинирани постојат 28% шанси за смртен исход во македонските болници.
-Со вакцини го намалуваме ризикот за цели 18 пати (3,52%/0,19%). Да допуштиме можност дека поради малку тестирања стапката од 3,52% кај нас била преценета, но дури и при двојно повеќе тестирања би имале за десетина пати помал леталитет со примена на вакцините.
Кога би бил на местото на здравствените власти, познавајќи го менталитетот на нашето население (коешто е недоверливо кон секоја власт) не би вршел ниту агитација за вакцинација, ниту би вовел задолжителна вакцинација...Па кој сака да се коцка со веројатноста, слободно може да го прави тоа, нема да се (раз)убедуваме. Всушност, власта тоа „кревање раце“ суптилно и го прави. Кога велат дека „единствениот начин да се справиме со Делта сојот е вакцинацијата“, тие на културен начин всушност им порачуваат на антиваксерите: „Немаме намера да се убедуваме со вас. Не се вакцинирајте, забавувајте се и патувајте колку што сакате, не се тестирајте, не пријавувајте контакти и шетајте заразени наоколу. Ви донесовме вакцини и ви кажавме што треба да направите, ама вие сето тоа го фрливте под нозе. Не верувате во наука, верувате во теории на заговор. Возрасни сте, имате разум и самите одлучувате, ама утре ако се разболите ќе ве лекуваме колку што знаеме и можеме, во нашите македонски услови. Заради вас нема да ја жртвуваме ни економијата ни удобноста на другите граѓани што се поразбрани од вас. Од денеска, каква ви глава - таква ви капа. Тоа што сте си дробеле - тоа и ќе го сркате. Нека ви е Господ на помош!, пишува професорот Трајковски.
Можеби ќе ве интересира
„Ќе одговараш, страшно ќе одговараш”: 57 годишен маж од Богданци вербално ѝ се заканувал на Кацарска во сред Центар, доби кривична
Трагедија во Штип: Едно лице почина, а друго се бори за живот по повреди добиени во лифт во угостителски објект
По три часа состанчење ДУИ одлучи: Еве со кој ќе го формираат ставот за прегласувањетo на одредени избирачки места
Каде ќе се прегласува во среда, а кој колку мандати освои: ДИК официјално
Градоначалник доби кривична: Незаконски располагал со буџетски средства за време на избори
ШТО ЛИ ЌЕ СЕ ДИСКУТИРА: Претседателството на ДУИ ќе состанчи попладнево
Се вози без возачка, се „лета“ на црвено, се зборува на мобилен: МВР казнува низ Скопје
Тошковски: Лишен од слобода виш аналитичар во СВР Скопје, фатен со над 10 илјади евра од сторена измама
Управен суд ги одби како неосновани сите седум тужби од „Европски фронт“
