Дали Богдан Илиевски ќе биде амнестиран?

Добивај вести на Viber

Откако премиерот Зоран Заев најави донесување на закон за амнестија на дел од обвинетите за собраниските настани на 27 април минатата година, почна да се промовира идејата за помирување. 

Богдан Илиевски, oд движењето „За заедничка Македонија“, кој е обвинет за случувањата за 27 април лани во Собранието, денеска изјави дека не знае дали ќе биде амнестиран.

„Не знам дали ќе бидам опфатен во амнестијата, јас не изготвувам никаков закон. На крај можам да кажам дека слободата е вистинска правда за тие што сме неправилно обвинети“, рече Илиевски.

Амнестија за насилниците не смее да има, насилниците не смеат да бидат амнестирани, вели министерката за правда, Рената Дескоска Треневска.

„Кога се прави закон за амнестија се прави по конкретни членови. Во законот за амнестија треба да се дефинира точно кои кривични дела врз основа на Кривичниот законик би ги опфатло“, изјави таа. 

Министерката рече дека ресорот правда не подготвува закон за амнестија за настаните во Собранието од 27 април и дека такво решение најверојатно подготвува собраниското тело за помирување.

Според неа, факт е дека против сите тие лица не се водат кривични постапки.