Дали инвеститорите „намирисаа“ крај на политичката криза?

Добивај вести на Viber

Како да се објасни растот на цените на најликвините акции во седмицата што следува по викендот во кој во дводневна акција загинаа осумина македонски полицајци? Дали оставките на тројца врвни функционери во очите на инвеститорите вредат повеќе од осум животи? Кои лостови го движат интересот на македонските инвеститори? Зошто во трговската седмица по крвавиот викенд во Куманово, кога загинаа осум македонски полицајци, цените на македонските блу-чип акции тргнаа нагоре? Имаат ли врска оставките на двајца клучни министри и на шефот на тајната македонска полиција влијание врз индексот МБИ-10? Од каде позитивно расположение кај инвеститорите на нашата берза кога во Македонија се креира и де факто постои политичка нестабилност? Берзанската анализа на „Фактор“ ги лоцира клучните поенти и има за цел да ги постави вистинските прашања. Одговори не може да дадат заради тоа што во суштина станува збор за човечка психологија при носење на инвестициски одлуки за вложување пари. Ако е, а секогаш целта е, профит тогаш се јасни две работи: прво, нашите инвеститори иако во не многу голем број сега купуваат акции на берзата и ги креваат цените и второ некој очекува профит од разврската на политичката криза во земјава. Што се случи на нашиот пазар оваа седмица: „Комерцијална банка“ порасна за 100 денари и ја оствари највисоката цена на крајот на трговската седмица. „Алкалоид“ порасна за 93 денари (разлика меѓу најниска и највисока цена), „Гранит“ порасна за 48 денари (како разлика меѓу најниска и највисока цена) со тоа што највисоката цена беше и последна цена за седмицата. „Макпетрол“, иако прикажа двојно поголема загуба за првиот квартал годинава споредено со првиот квартал лани, порасна 1.000 денари. „Бетон Скопје“ беше сензација на седмицата, а по многумина инвеститори и на првите пет месеци годинава. За прв пат таа компанија одлучи да дели дивиденда и акцијата порасна 1.489 денари односно за фантастични 33 отсто. Зошто затоа што дели дивиденда од 990 денари нето! Сите овие случувања на нашиот пазар на капитал се случија во услови кога прометот на акциите генерално е значајно понизок од реализацијата во претходната седмица. Дали ова може да води на заклучок дека купуваа квалификувани купувачи кои знаат дека иднината ќе нема безбедносен ризик односно ќе има повисоки цени на македонските блу-чип акции? Или имавме мала група инвеститори кои рискирааат иако можеби во следниов период ќе се посипат со пепел? Ќе видиме... Само акцијата на „Комерцијална банка“ оваа седмица изгуби на обем на промет и тој е пет пати понизок од претходната семдица. Наспроти неа „Алкалоид“, „Гранит“ и „Макпетрол“ бележат солидни, а некои и дуплирање на реализициите од претходната семдица. Како што заклучивме и горе пазарот е резултат пред се на психолошки одлуки на инвеститорите и тука секогаш не смеат и не треба да се бараат математички прецизни одговори... Р.Ф.