21 Јануари, 2025
0.0261

ДАЛИ ЌЕ ИМ УСПЕЕ? И новата власт ќе му нуди државни административци на приватниот сектор

Објавено во: Економија 24 Јуни, 2024

Добивај вести на Viber

Рационализација на администрацијата, но и формирање на нови управни тела, најавува новата Влада во својата четиригодишна програма за работење која синоќа беше изгласана во Собранието.

„Државата ќе им даде можност на лицата вработени во јавниот сектор полесно да најдат работа во приватниот сектор“, наведено е во една од мерките која се споменува во планот за работење на владата на Христијан Мицкоски, но поконкретно нема ништо повеќе како тоа би се спровело.

Под притисокот на критиките од меѓународниот фактор заради партизација, нетранспарентност и непрофесионалност, ова беше една од реформите која најинтензивно беше најавувана а вметната во програмите и на претходната власт. 

Зоран Заев и во 2017 и во 2020 по изборите најави нејзино намалување за 20 проценти со реорганизација, пензионирање и трансфер на администрацијата во приватниот сектор. Тој порача дека со дигитализацијата нема потреба од толкав број на вработени. Редуцирањето требаше да се изведе преку спојување на функциите и надлежностите на институциите и пренасочување на вишокот вработени во приватниот сектор. Предизборно беа најавени и стимуланси, така што оние административци кои ќе склучат договор со приватна фирма требаше да добијат  отпремнини, а работодавачот би добил субвенции, но до такво нешто никогаш не дојде.

Новата власт предводена од ВМРО-ДПМНЕ во програмата најавува „доекипирање“ на Развојна банка, Комисијата за заштита на конкуренцијата и Агенцијата за привлекување странски инвестиции и извоз.

Во четиригодишната програмска визија се споменува формирање на Агенција за управување со земјоделско земјиште, ЕУ Академија, Фонд за животна средина и други нови институции. 

Се планира изградба на нов Скопски саем, но во опција се два модели за реализација - чисто државно финансирање или јавно-приватно партнерство. Сепак, се најавува и укинување на некои институции како Инспекцискиот совет кој би бил заменет од координативно тело.

Најавено е и намалување на бројот на директори и намален број на членови на управните и извршните одбори.

Новата власт исто како и претходната акцент става и на дигитализацијата на администрацијата како приоритет, „заради минимизирање на човечкиот фактор, како и можноста од корупција“. А.К.


Можеби ќе ве интересира

ПОРАДИ ВИСОКИТЕ ЦЕНИ ХРВАТИТЕ ПОВИКУВААТ НА БОЈКОТ: Не купувајте ништо

ПОРАДИ ВИСОКИТЕ ЦЕНИ ХРВАТИТЕ ПОВИКУВААТ НА БОЈКОТ: Не купувајте ништо

ЕСМ: Нормализирана е испораката на топлинска енергија

ЕСМ: Нормализирана е испораката на топлинска енергија

ИЗБРАНИ СЕ НАЈДОБРИТЕ ГЕРМАНСКИ РАБОТОДАВЦИ: На прво место е компанијата која е присутна и во Македонија

ИЗБРАНИ СЕ НАЈДОБРИТЕ ГЕРМАНСКИ РАБОТОДАВЦИ: На прво место е компанијата која е присутна и во Македонија

ГОРИВАТА ПОСКАПУВААТ - бензините ќе се продаваат за денар и пол повеќе од претходно, еве колку ќе поскапи дизелот

ГОРИВАТА ПОСКАПУВААТ - бензините ќе се продаваат за денар и пол повеќе од претходно, еве колку ќе поскапи дизелот

Со пари од унгарскиот заем исплатена Еврообврзницата во износ од 500 милиони евра издадена во 2018 година

Со пари од унгарскиот заем исплатена Еврообврзницата во износ од 500 милиони евра издадена во 2018 година

ДЕЛОВИ ОД СКОПЈЕ „СМРЗНАА“: Загуби на вода ги оставија скопјани без парно

ДЕЛОВИ ОД СКОПЈЕ „СМРЗНАА“: Загуби на вода ги оставија скопјани без парно

КАУФЛАНД СЕ ШИРИ, ОТВОРА НОВИ ПРОДАВНИЦИ: Новини на неколку атрактивни локации

КАУФЛАНД СЕ ШИРИ, ОТВОРА НОВИ ПРОДАВНИЦИ: Новини на неколку атрактивни локации

ИМАА 100 ПРОЦЕНТИ ПОПУСТ ЗА ВОЗ, НО ЕЛИТАТА ОД ЕУ МАСОВНО ПРИСТИГНУВА СО ПРИВАТНИ АВИОНИ: А, во Давос ќе разговараат и за климатските промени

ИМАА 100 ПРОЦЕНТИ ПОПУСТ ЗА ВОЗ, НО ЕЛИТАТА ОД ЕУ МАСОВНО ПРИСТИГНУВА СО ПРИВАТНИ АВИОНИ: А, во Давос ќе разговараат и за климатските промени

СЕГА И ОФИЦИЈАЛНО МОЖЕ ДА ЈА КУПИТЕ МЕЛАНИЈА: По стапките на сопругот, и американската прва дама лансираше криптовалута

СЕГА И ОФИЦИЈАЛНО МОЖЕ ДА ЈА КУПИТЕ МЕЛАНИЈА: По стапките на сопругот, и американската прва дама лансираше криптовалута