21 Мај, 2025
0.0336

Дали Македонија станува земја на стари и сиромашни граѓани?

Објавено во: Економија 14 Декември, 2020 07:16

Добивај вести на Viber

Старее населението во Македонија. Со години наназад бројот на родени деца опаѓа, а иселувањето не е за занемарување. 

Доколку прошетате во некоја од помалите општини ќе забележите дека бројот на млади е мал, а доминираат средовечните луѓе. Младите бараат излез од лошата економска состојба. 

„Нема голема перспектива, освен рудникот Саса има и неколку текстилни фабрики. Тоа е од индустријата кај нас. За среќа има млад кадар во администрацијата, во училиштата, но сепак не гледам некоја перспектива. Некои луѓе работат во околните градови како Кочани, Виница, и голем дел се преселени или се во план да се селат, највеќе во Германија во последно време, а има и многу од порано кои се преселени во Италија“, вели жителка на Македонска Каменица. 

Со тоа во иднина Македонија ќе стане земја на стари, но и сиромашни граѓани, ако се суди според податоците за животниот стандард, висината на платите и на трошоците за живот од друга страна. 

„Крива Паланка сѐ уште се држи, но иселувањето е од поодамна и овие политички проблеми кои ни се случија со Бугарија, ги поттикнуваат младите да  размислуваат да си заминат. Им пречи тоа што нема работа и што платите се ниски. Економските фактори им се најважни. Јас предавам на матуранти, и за жал сите се гледаат надвор од Македонија, додека постарите остануваат тука“, вели Татјана Филиповска, социолог. 

Демографот Аница Драговиќ објаснува дека намалениот наталитет, внатрешните и надворешни миграции придонесуваат во земјата или во одредени региони населението да старее. 

„Секако дека тој тренд е присутен и трае повеќе од две децении. Се намалува наталитетот, а со тоа се стеснува грлото за влез на ново население, но од друга страна се пролонгира горната граница на старост. Кога би имале поголем фертилитет заедно со пролонгирањето на горната граница, тоа би овозможило обнова на населението. Има разлика по региони, Вардарскиот и Пелагонскиот регион се соочуваат со стaреење на населението“, рече Драговиќ. 

Според последните податоци на Државниот завод за статистика, бројот на живородените деца во третото тримесечје од 2020 година, во споредба со истиот период од претходната година, е намален за 5.2 отсто и изнесува 5.141 живородени деца. 

Статистиката покажува пак дека во источниот и североисточниот дел на државата, работниците земаат најниски плати. Со две минимални и една просечна плата во Македонија не може да се задоволат основните потреби на едно четиричлено семејство, за што се потребни скоро 34.000 денари. Македонија е една од најсиромашните земји во Европа. Според Светска банка, четвртинја од луѓето кои се родиле во Македонија, живеат надвор. Во регионот, медиумите претходно БиХ ја окарактеризираа како земја на стари и сиромашни граѓани. 

Сања Атанасовска

Можеби ќе ве интересира

ЕУ ПЛАНИРА ДА ВОВЕДЕ ТАКСА ЗА МАЛИТЕ ПАКЕТИ НА ТЕМУ И ШЕИН - повеќе нема да бидат ослободени од царина

ЕУ ПЛАНИРА ДА ВОВЕДЕ ТАКСА ЗА МАЛИТЕ ПАКЕТИ НА ТЕМУ И ШЕИН - повеќе нема да бидат ослободени од царина

Фактор анализа ПОЛОГ 2024: Како бизнисмените од руралните општини им држат лекции на стопанствениците од Тетово и Гостивар!

Фактор анализа ПОЛОГ 2024: Како бизнисмените од руралните општини им држат лекции на стопанствениците од Тетово и Гостивар!

СЕКОЕ ТРЕТО ДЕТЕ ВО ЗЕМЈАВА ЖИВЕЕ ВО БЕДА: Кои се долгорочните последици од детската сиромаштија?

СЕКОЕ ТРЕТО ДЕТЕ ВО ЗЕМЈАВА ЖИВЕЕ ВО БЕДА: Кои се долгорочните последици од детската сиромаштија?

ТРАДИЦИИТЕ ТЕШКО ГИ НАПУШТАМЕ – жените остануваат дома, а мажите заработуваат за домот

ТРАДИЦИИТЕ ТЕШКО ГИ НАПУШТАМЕ – жените остануваат дома, а мажите заработуваат за домот

МИЦКОСКИ: Имаме преговори со седум инвеститори и очекувам во периодот што следува тие инвестиции да ги објавуваме

МИЦКОСКИ: Имаме преговори со седум инвеститори и очекувам во периодот што следува тие инвестиции да ги објавуваме

Божиновска во Брисел: Интеграцијата во европскиот пазар на електрична енергија – стратешка цел за Македонија

Божиновска во Брисел: Интеграцијата во европскиот пазар на електрична енергија – стратешка цел за Македонија

РАБОТНО ЌЕ БИДАТ АНГАЖИРАНИ СТУДЕНТИ, ПЕНЗИОНЕРИ, СТРАНЦИ: Eве под кои услови...

РАБОТНО ЌЕ БИДАТ АНГАЖИРАНИ СТУДЕНТИ, ПЕНЗИОНЕРИ, СТРАНЦИ: Eве под кои услови...

ПРЕМИЕРОТ Е ОПТИМИСТ: Колкав раст на БДП очекува?

ПРЕМИЕРОТ Е ОПТИМИСТ: Колкав раст на БДП очекува?

ПЛУС 1.200 ДЕНАРИ МУ СЕ ПОТРЕБНИ НА ЕДНО СЕМЕЈСТВО: ССМ објави колку чини минималната кошничка

ПЛУС 1.200 ДЕНАРИ МУ СЕ ПОТРЕБНИ НА ЕДНО СЕМЕЈСТВО: ССМ објави колку чини минималната кошничка