Добивај вести на Viber
По подолг период на континуиран пораст, во мај, на месечно ниво банките регистрираа намалено штедење кај населението. Имено, по сумирање на податоците за првите пет месеци од годинава, од НБМ соопштија дека во мај во однос на април е регистриран пад на штедењето кај граѓаните, но и кај коропоративниот сектор.
“Во однос на депозитниот потенцијал, во мај е остварен месечен пад на вкупните депозити, како резултат на падот на депозитите на претпријатијата и на депозитите на населението. И покрај месечното намалување на депозитната база, коешто е вообичаено во овој период на годината, на годишна основа вкупните депозити продoлжија да растат, со годишна стапка на раст од 8,4%. Сепак, динамиката на раст на депозитите засега е послаба споредено со проектираната во рамки на априлскиот циклус проекции“.
Состојбата на мајско намалување на штедењето ја констатираше и гувренерот Димитар Богов во интревју за 24 Вести со образложение дека намаленото штедење кај граѓаните можеби е рефлексија на неизвесноста поради политиката криза, но тој посочи дека нема причина за вакавата состојба. Кај коропоративниот сектор, трендот со депозитната база се менува, така кон крајот на првиот квартал беше регистриран пад, додека во април позначаен раст на депозтите на фирмите.
НБМ информираше дека на крајот од петтиот месец е забележан кредитен раст повисок од прокетираниот.
“Во однос на кредитниот пазар, првичните податоци за мај покажуваат солиден раст на кредитите на месечна основа, со што се задржува континуитетот на поволни поместувања на овој сегмент. Годишната стапка на раст на вкупните кредити во мај изнесува 9,5% и е над проекцијата за вториот квартал на 2015 година“, соопштија од Народната Банка.
И по вчера одржаниот состанок на Комитетот за оперативна монетарна политика, НБМ констатираше дека засега нема да има промена во монетарната политика.