Дали повисока минимална плата ќе ги загрози работните места на текстилците и чевларите?

Добивај вести на Viber

Има најави за зголемување на минималната плата, која сега изнесува 12.000 денари, иако засега не се знае, колкаво ќе биде покачувањето.

Вакви најави имаше од премиерот, Зоран Заев и министерката за труд и социјална политика, Мила Царовска.

Се прават анализи вели Заев и се внимава да не им се наштети на компаниите.

Против ново покачување на минималецот е текстилниот сектор.

Од текстилната индустрија велат дека ново зголемување на минималната плата ќе значи удар за нив затоа што не се опоравиле од претходнот удар.

Горан Трајков, претседател на Здружението на текстилни и на кожарски работници „Гласно“ од Штип вели дека откази во наведените два сектори нема да има дури и ако се зголеми минималната плата поради повеќе фактори.

„Не се можни отпуштања поради недостиг на работници, нереалното акумулирано богатство кај работодавците ќе биде намалено до максимум 30% од заработката, а мислам од 100%. Не може да има отпуштања затоа што работниците работат норми за 5 договори наместо за еден, а на работодавците нема да им биде во прилог на истото“, вели Трајков.

На работниците добро би им дошол покажување, затоа што велат дека работата е макротрпна и заслужуваат повеќе.

Но, меѓу газдите има и такви кои сметаат дека има простор за мало зголемување на минималецот. 

„Има шанси за зголемување на минималната плата во текстилот, и тоа максимум за 2.000 денари сега засега. Откази нема да има затоа што работници ни фалат, и претежно во текстилот работат постари жени, младите не се заинтересирани за оваа работа, не сакаат да работат“, објаснуваат од текстилна фабрика во внатрешноста.

Во септември 2017 година стартуваше исплата на минимална плата од 12.000 денари. Ова беше предизборно ветување на СДСМ и се реализираше. Сепак, македонскиот минималец е меѓу најниските во регионот.

фото Bizlife