(ВИДЕО) Коце Трајановски: Инсистиравме на промена на дел од раководството на „Штрабаг“ за побргу да го завршиме патот

Добивај вести на Viber

Коце Трајановски, директорот на „Државни патишта“ во поткастот „Бизнис муабети“ вели дека повеже фактори влијаеле на тоа побругу да се заврши експресниот пат Крива Паланка - Страцин од 25 километри и да биде пуштен во употреба минатата недела, а меѓудругото требало да биде променето и дел од раководството на изведувачот.

- Го сменивме надзорот, променивме дел од менаџментот. Инсистиравме на промена на дел од менаџментот на Штрабаг. Се ставија луѓе кои што сакаат да работат, кои што можат и знаат да работат. И со еден благ притисок во организацијата, успеавме да го завршиме безмалку за Нова година, со два три дена задоцнување, рече Трајановски.

Првиот човек на јавното претпријатие за државни патишта вели дека во рехабилитацијата на магистралните и регионалните патишта сега се користи за 30 отсто поскап асфалт, но вели дека затоа пак делниците остануваат рамни.

- Секаде каде и да одам сакам да воведам некоја новина. Имено, за прв пат воведувам асфалтирање со Сплит Мастикс. Тој е еден вид на асфалт кој што е многу поквалитетен од обичнот. Поскап е за 30 отсто. Когакако градоначалник ја асфалтиравме Партизанска беше мазна како масава, но по некое време се појавија бразди. Ги викнав сите градежни компании за да ми предложат решение. Тие ми предложија „Сплит Мастикс“. Тие асфалти го прават патот погруб, но носивоста е многу поголема. Потоа реков дека одсега стандард ќе биде „Сплит Мастикс“, рече Трајановски.

Директорот на ЈПДП сепак вели дека има голема разлика во функциите да се води Град Скопје од една и „Државни патишта“ од друга страна.

- Прва разлика е во тимот, луѓето околу тебе кои ги создаваш.Под два, Град Скопје има широка проблематика. Само еден дел му е инфраструктура. Овде правиш патишта од висок ранг кои се државни патишта, коментира Трајановски.