Дали се престроги и дали се соодветни превземените мерки во Македонија?

Добивај вести на Viber

Верниците не можат да влезат во храмовите поради вонредната состојба. Вечерта Христовото Восресение помина без посетители во храмовите. Во велигденсокото обраќање беа повикани верниците да прославуваат и да се молат во своите домови и во своите срца и да не се вознемриуваат поради тоа што не може да присуствуваат во црквите. Дали се соодветни или не, дали се престроги или не, ќе биде ли се’ исто по сето ова што се случува во иднина во светот и во Македонија, беше темата на која викендов празнично се зборуваше во емисијата „Стадион“ на „Канал 77“.

Професорот инфектолог Вело Марковски вели дека се работи за мутација од редот на бета-корона вируси која се однесува доста чудно. Пандемијата и смртноста се реални, но како што вели професорот, клучни се мерките што треба да се превземат и анализите. Во прилог на тоа оди и стабилизиацијата во Италија и Шпанија. 

- Јас цитирам наука и научни трудови и претходни искуства. Проблемот е што во емисии и сите телевизии има премногу луѓе кои не се стручни. Смртноста кај хоспитализирани болни од грип не е точна. Податоците од Италија не се релевантни. Не знам што се случува таму, но во САД ги двојат и има 30 милиони со грип и 20.000 починати, но таму случаите се двојат. Тоа е научен пристап. Починати од пневмонија умираат и надвор од пандемии и епидемии. Бројките во Македонија за смртноста лажат. Бројот на регистрирани е многу мал во однос на вистинскиот број на инфицирани. А има разлика помеѓу инфициран и болен. Ако 200.000 луѓе во Македонија имале контакт со вирусот, таа смртност од 50-ина, 60-тина не е висока. Тука не се работи за тоа јас како сакам да биде, туку тоа се податоците, вели Марковски.

Според Максим Димитриевски, градоначалникот на Куманово, кој е позитивен на тестот за Ковид-19, фамозната прес-конференцијата на која тој дошол во контакт со техничкиот премиер Оливер Спасовски, вицепремиерот за евроинтеграции Бујар Османи и другите била организирана од Владата, а не од општина Куманово. Но, најважно според него, во целата ситуација, не се политичарите, туку граѓаните.

Марјан Ѓуровски, професор на Факултетот за безбедност во емисијата “Стадион” на Радио Канал 77, тврди дека економската безбедност може да биде нарушена. Според него, нормализацијата ќе започне во мај, но треба да се направи и баланс во политичкиот систем во однос на човековите права. Треба и да се направи резиме зошто не функционирал системот на светскиот безбедносен систем, што може да ги засили натиглобалистичките сили.

Митрополитот Пимен ги повика верниците на христијанскиот институт послушание, кој како што вели тој, вистинските верници добро го познаваат и дека повикот на владиката Г.Г.Стефан е замолница до граѓаните да се почитуваат мерките на забрана на движење и луѓето да не доаѓаат во црква додека трае епидемијата. Тврди дека причестувањето е внесување на крвта и телото на господ-бог и дека тој не би не заразил преку лажичката која се споделува.