ДАЛИ СМЕ ПОДГОТВЕНИ ЗА ВАКВИ ИНТЕНЗИВНИ ПОПЛАВИ? „Нашата планета ќе стане поопасно и поскапо место за живеење“

Добивај вести на Viber

Метеоролозите предвидуваат „екстремни врнежи“ до крајот на неделата, а се проценува дека на одредени локации ќе наврнат 300 мм дожд, двојно повеќе од просекот за септември.

Бурата Борис и придружниот временски фронт од 2.000 километри донесоа во Централна и Источна Европа нови катастрофални поплави кои би можеле да бидат најлошите од 2002 година, кога делови од поголемите градови, како Прага, Дрезден или Виена, беа целосно потопени.

Метеоролозите предвидуваат „екстремни врнежи“ до крајот на неделата, а се проценува дека на одредени локации ќе наврнат 300 мм дожд, двојно повеќе од просекот за септември.

„Одредени реки ќе ја добијат количината на вода што се гледа еднаш во 100 години“, соопшти британската метеоролошка канцеларија.

Австрија, Чешка, Германија, Унгарија, Полска, Словачка и Романија беа погодени од поплавите, а најмалку 15 лица загинаа.

Лидерот на Романија, Клаус Јоханис, истакна дека се соочуваме со последиците од климатските промени.

Покрај тоа, минатата недела во Мјанмар беа поплавени цели села, а поплавите уништија затвор во Нигерија, предизвикувајќи 300 затвореници да избегаат.

Климатолозите велат дека интензитетот на поплавите не ги изненадил, туку материјалната штета.

„Катастрофалните врнежи од дожд што ја погодија централна Европа се токму она што научниците очекуваат дека ќе се случи како резултат на климатските промени“, рече научникот Џојс Кимутао од Империал колеџ во Лондон.

Според неа, смртните случаи и материјалните штети предизвикани низ Африка и Европа сведочат за тоа колку лошо „светот е подготвен за вакви поплави“.

Иако веќе е познато дека потоплиот воздух може да содржи повеќе влага, колку ќе бидат обилни врнежите зависи и од тоа колку вода има на располагање.

Соња Сеневиратне, климатски научник на Универзитетот ЕТХ во Цирих, рече дека анализите на поплавите во централна Европа сугерираат дека најголемиот дел од водата доаѓа од Црното Море и Медитеранот. И двете мориња во последно време беа прилично топли поради климатските промени, а тоа резултираше со испарување на повеќе вода во воздухот.

„Во просек, интензитетот на обилните врнежи се зголемува за 7 отсто за секој степен на глобално затоплување. Сега планетата се загреа за 1,2 степени, што значи дека бурите се за 8 отсто поинтензивни#; изјави таа.

Податоците покажуваат дека врнежите станале посилни во Германија, Полска, Австрија, Чешка, Унгарија и Словачка од 1950-тите.

Да потсетиме, во Полска се урна мост, а во Чешка пожарникарите спасуваа луѓе од покривите на куќите. Еден пожарникар го загуби животот во Австрија за време на спасувачките операции.

„Јасно е дека дури и високо развиените земји не се имуни на климатските промени. Се додека светот продолжува да гори природен гас, нафта и јаглен, обилните врнежи и другите екстремни временски обрасци ќе продолжат и ќе се интензивираат, што ќе ја направи нашата планета поопасна и скапо место за живеење“, изјави научникот Фредерике Ото, објави Гардијан.