Добивај вести на Viber
Првиот човек на Стопанска банка Битола Владимир Ефтимоски за Euromoney ( EMIS ) изјави дека очекува заздравувањето на финансискиот пазар во 2017 година кога реално може да се зборува и за реализирање на идејата за докапитализација или изнаоѓање на странски стратегиски инвеститор на банката.
[caption id="attachment_175610" align="alignright" width="200"]
Владимир Ефтимоски во изјава за Euromoney истакнува дека бизнис планот на банката за 2017 вклучува опции за привлекување на дополнителен капитал, субординиран долг или евентуално инвеститор кој е заинтересиран за банката[/caption]
"Очекуваме првичните обновувања на пазарот да започнат во 2017 година. Значи, уште од почетокот на 2017 година, нашиот бизнис план вклучува опции за привлекување на дополнителен капитал, субординиран долг или евентуално инвеститор кој е заинтересиран за банката", изјави Владимир Ефтимоски претседател на УО на банката.
Ефтимоски за Euromoney ( EMIS ) прецизира дека целиот процес би се реализирал постепено и внимателно со цел да се изнајде најдоброто решение за банката , акционерите и комитентите.
"Веројатно ќе одиме чекор по чекор, прво со некоја кредитна линија , потоа со некој субординиран долг, а подоцна можеме да очекуваме преземања и здружувања, и тоа би се случувало во 2018 или 2019 година," објасни извршниот директор, додавајќи дека банката веќе ја контактирале инвестициски фондови заинтересирани за обезбедување на дополнителен капитал.
Во моментов Стопанска банка Битола е една од првите десет банки во Македонија. Банката, која има 250 вработени, има вкупна актива од 150 милиони евра евра, а добивката во 2014 година изнесува ЕУР 2.7 милиони евра. Адекватноста на капиталот на банката е помеѓу 20% и 21% и можното зголемување на капитал ќе се користи за да се задржат овие нивоа. Според Ефтимоски, "Големината на зголемување на капиталот не е битна, важно е да се задржи адекватноста на капиталот. На среден рок, се очекува раст од 17-20% и зголемувањето на капиталот во иднина ќе служи за да го зачуваме нашето ниво на адекватност на капиталот ", објасни Ефтимоски кој за Euromoney ( EMIS ) ги обелодени бизнис проекциите за банката на среден рок.
"Ние сме заинтересирани за странски инвеститори и странски инвестициски фондови или странски финансиски институции", изјави првиот човек на Стопанска банка Битола за Euromoney .
Р.Ф.