ДАНСКА ГО ОЛЕСНИ ПАТУВАЊЕТО ЗА ГРАЃАНИТЕ ОД МАКЕДОНИЈА, ИТАЛИЈА ЗАБРАНИ ВЛЕЗ ЗА ТУРИСТИЧКИ ПАТУВАЊА: Нови ковид протоколи

Добивај вести на Viber

Данските власти донесоа одлука со која се олеснува патувањетона граѓаните од Македонија, односно сите кои планираат до допатуваат во Данска ќе мора да приложат валиден ЕУ дигитален сертификат кој што вклучува потврда за вакцинација со вакцините кои се одобврени од ЕМА (Фајзер, Модерна, Астразенека и Џонсон и Џонсон), потврда за прележан ковид не повеќе од 12 месеци или пак негативен ПЦР тест.

Истовремено, пак, Италија ги заостри мерките за влез во земјата за граѓаните од Македонија. Со последната одлука, Република Северна Македонија се преместува од листа Д во листа Е, со што не е дозволено туристичко патување, односно се дозволува влез само за работниците кои имаат престој, од здравствени причини, студии и враќање во својот дом или живеалиште.

Граѓаните кои се во некоја од овие категории при влез во Италија мора да приложат: пополнет онлајн формулар за локација (dPLF), негативен резултат на молекуларен или антигенски тест. Но, сепак следува и задолжителна самоизолација и здравствен надзор во период од десет дена. По десетте дена изолација, задолжително е да се изврши дополнителен молекуларен или антигенски тест.