Деца се злоупотребуваат за протестите - родителите загрижени, реагира и Средношколскиот пленум

Добивај вести на Viber

Вчера во повеќе скопски училишта членови на политичка партија агитирале кај средношколците да ја бојкоритаат наставата и да се придружат на протестот за зачувување на унитарноста на Македонија. Загрижени родители регираат против тоа нивните деца да бидат злоупотребувани за политички цели и сметаат дека кревањето на тензии може да биде опасно.

- Најстрого досега, го осудуваме, вршењето на притисок, ограничување на движењето и слободата на учениците! Почитувани, дозволете да ви разјасниме: НИЕ ДОДЕКА СМЕ НА УЧИЛИШТЕ, НЕ СМЕ ВАША СОПСТВЕНОСТ! Во моментот кога го кренавме нашиот глас против проектот што ја загрозуваше нашата иднина, бевме таблоидно, јавно и транспарентно осудени, заклучувани во училиштата како во поправни домови и тоа беше осудено како начин на кој се узурпира и бесполезно прекинува наставата. Сега по само 2 години истите тие господа, директори, професори, нѐ тераат да се приклучиме кон нешто што нималку го компромитира и тангира нашето битисување во училиштата и училиниот систем. Исто така строго го осудуваме обидот и револтирани сме, на изнесените написи во одредени медими кои преку спин и манипулација сакаат да ги претстават учениците кои се на одмор – како се упатуваат на протести во Скопје. Искрено се надеваме дека ваквото пропагандистичко и таблоидно изнесување на вести ќе престане, а средношколците нема да бидат на удар на политички групации. Повикуваме на зрелост и смиреност, а од надлежните институции и ресорното министерство недвосмислена и итна реакција, соопшти Средношколскиот пленум.

На влезовите на училиштата се поставени плакати за бојот, а во основното училиште Лубен Лапе во Аеродром е поставен и двојзаичен натпис што сериозно ја подгрева состојбата.