Деца тешки зависници од дрога во Македонија - Никој не се грижи за нив
Објавено во: Македонија 24 Јануари, 2017
Загрижува информацијата на здружението ХОПС дека најмладиот зависник од хероин во Македонија е девојче кое има само 8 години и дрогата ја внесува интравенозно.
Исто така има и многу помали деца кои „дишат“ лепак или други супстанци – алармира ХОПС.
Од 33 деца зависници од дроги со кои лани исконтактирало здружението „ХОПС“, седумина се нови случаи. Велат, државата нема систем за лечење од зависност на оваа категорија граѓани. Голем број деца остануваат без медицинска помош.
„Министерството за здравство изработи протокол за лекување на малолетни корисници на дрога кој веќе две години е во поготвителна верзија и сѐ уште не е усвоен. Во минатата година ниту еден од овие малолетници не започна со лекување на зависноста пред сѐ заради немањето на програма за лекување или заради административни бариери“, изјави Влатко Дејков, здружение „ХОПС“- Опции за здрав живот.
„На тој начин би се унифицирало дефинирањето и сите институции, здруженија, сите чинители кои работат на ова поле би можеле да ги бележат подеднакво сите податоци за да биде лесно достапно, а тоа понатаму би помогнало во креирање на соодветни локални и национални политики“, Аница Димовска, здружение „ХОПС“- Опции за здрав живот.
Од Министерството за здравство велат дека во завршна фаза е изготвувањето на протоколот за третман на деца и млади зависници од дрога. Се врши усогласувањето со повеќе релевантни институции од областа, а потоа истиот ќе биде донесен. Потсетуваат дека на Клиниката за психијатрија се лекуваат состојби кои се последица на употребата на психо-активни супстанци. А во Заводот за ментално здравје на деца и младинци се третираат депресивни состојби, адолесцентна криза, болести на зависност. Велат, се реализираат и превентивни програми за штетноста на алкохолот, пушењето и дрогата.
Можеби ќе ве интересира
Општина Центар донесе препорака за забрана за користење мобилни телефони на настава
ДИСЦИПЛИНСКА ПОСТАПКА ЗА СМРТТА НА БЛЗНАЧИЊАТА: Еве што велат од Државниот санитарен инспекторат
Обвинителството ќе испитува како паднал ученикот од прозорец во Прилеп, но чека одговори од полицијата
АДВОКАТОТ МИТРОВСКИ ОБЈАВИ ФОТОГРАФИЈА ОД ЏИП ЗА КОЈ ТВРДИ ДЕКА Е НА АПАСИЕВ - „Драго ми е што напредуваш, ама одвој 40 денари за да го паркираш прописно“
ВЕНКО ОПЕРИРАШЕ, СПЕЦИЈАЛИЗАНТИТЕ УЧЕА: Филипче изврши операција на пациент со сериозен проблем со р'бетот
„НЕ Е НА ГРАНИЦА ЗА ДА ПРОДАВА ЦВЕЌИЊА, ТУКУ ДА ГЛЕДА ВО КОМПЈУТЕРОТ ДАЛИ ЛИЦЕТО Е НА СТОП ЛИСТАТА“ - Тошковски за бегството на Груби, се испитува дали е организирана операција
ОСМАНИ СЕ ПОФАЛИ ДЕКА БИЛ ДЕЛ ОД ИСТОРИСКИ МОМЕНТИ МЕЃУ МАКЕДОНИЈА И САД: „Блинкен е првиот државен секретар кој официјално го посети МНР“
ЗАВРШИ ИНСТАЛАЦИЈАТА НА СИСТЕМОТ ЗА КОМПРИМИРАН ВОЗДУХ НА КЛИНИКА - се наѕира ли крајот на проблемите во операционите сали?!
МИЦКОСКИ БЕШЕ ВО ЦРКВА: „Наша заедничка приказна е и заветот и желбата да обезбедиме иднина на нашата заедничка татковина Македонија“
