ДЕЛО НА КИНЕЗИТЕ: Создадоа материјал отпорен на оган, издржува 1300 степени
Објавено во: Свет 09 Април, 2018
Научниците во Кина развиле нов градежен материјал отпорен на оган, кој може да издржи пламен од скоро 1.300 степени Целзиусови.
Истражувачи од Универзитетот за наука и технологија создале композитен аерогел со ниска топлинска проводност, многу отпорен на оган.
Композитот е синтетизиран од фенол-формалдехидна смола и силициум, и може да издржи пламен со висока температура без дезинтеграција.
Тој е високо порозен и еластичен, и покажува поголема отпорност на оган од актуелните изолациски материјали, како што се проширен полистирен и стаклена волна.
Доколку се употребува во ѕидовите, материјалот може да ја зголеми заштитата против уривање на потпорните бетонски структури предизвикано од пожар, што ќе овозможи подолго време за евакуација на зградите.
Тој може да се употреби и за изолација на постари згради.