Демант дека подадената рака од Заев кон опозицијата е за амнестија
Објавено во: Македонија 15 Октомври, 2018
Бура во јавноста откако премиерот Заев ги повика пратениците и колегите од опоаицијата да си подадат рака за смирување и да си го простат 27 април.
Дел од јавноста простувањето го интерпретира како амнестија, но министерот за дијаспора Едмонд Адеми ги демантира ваквите интерпретации.
Тој на социјалната мрежа пишува дека подавањето рака за помирување не значи амнестија туку помирувањето или опростувањето е човечка особина и големина.
„Папата Јован Павле Втори, му прости на својот атентатор , но тоа не го амнестираше Ахмет Али Агџа од одслужување на затворската казна.
Обидот за атентат беше во 1981 година, од затвор излезе 2010 година. Така е и сега“, пишува Адеми на Фејсбук.