Денеска се одбележува Светскиот ден против пушењето

Добивај вести на Viber

Под мотото „Зголемете ги даноците,намалете ги смртните случаи“  Македонија ќе го одбележи светскиот ден против пушењето.

Денеска Министерството за здравство, Светската здравствена организација, Институтот за социјална медицина при Медицински факултет во Скопје организираат стручен состанок за промовирање на Светскиот ден против пушењето година и презентација на главните резултати од студијата за употребата на тутунот и тутунските прозводи кај здравствените работници во нашата земја.

Факт е дека донесувањето на закони за контрола на пушењето спасува животи и го подобрува здравјето во целиот регион на Европа, со што се побиваат критиките против овие закони.

Светскиот ден против пушењето се одбележува на 31-ви мај.Целта на овој ден е да се поттикне 24-часовен период на апстиненција од сите форми на употреба на тутун во целиот свет и да го привлече светското внимание кон глобалната употреба на тутун и негативните здравствени ефекти на тутунските производи, кои во 2013 година доведоа до околу 5,4 милиони смртни случаи низ целиот свет.

 Светската здравствена организација (СЗО) секоја година одредува тема со цел да се создаде унифицирана глобална порака за Денот за борбата против пушењето. За 2014 година темата е повик до сите земји да ги зголемат даноците за цигарите, а истражувањата покажале дека повисоките даноци се особено ефективни во намалување на употребата на тутун и ги спречува младите да почнуваат да пушат