Дескоска и Сугарески „лидери“ на дното: Колку капитални проекти потпишале за половина година?
Објавено во: Финансии 06 Август, 2018 07:50
Веќе е јасно дека капиталните расходи за половина година не надминаа ниту една петина од вкупните кои беа предвидени за годинава. Или од јануари до јуни беа реализирани само нешто над 16 отсто од вкупните пари кои биле предвидени за училишта, градинки, патишта, железници. Кој најмалку придонел? Министерството за транспорт и врски, но и за образование кои всушност треба да се носители на овие проекти, во првата половина од годината имаат уште помала реализација на капиталните проекти дури и од просекот за тој период. Полугодишниот извештај што го објави Министерството за финансии покажува дека во Министерството за образование за шест месеци биле реализирани само осум отсто од планираните пари за годинава, додека во транспорт и врски само 12,3 отсто од предвидените пари за капитални проекти.
ВО ОБРАЗОВАНИЕ САМО 8 ОТСТО
Извештајот ги анализира најголемите буџетски корисници, а меѓу нив се и овие две министерства. Во образование кое до јуни го водеше министерката која сега седи во министерското столче во Министерството за правда, Рената Дескоска, во првото полугодие се потрошени 174 милиони евра или над 40 отсто од планираните за годинава. Најголем дел од парите се тие кои се трансферирани до единиците на локалната самоуправа. Плати и надоместоци се втора најзначајна ставка со учество од 15,5 отсто, за што се потрошени 27 милиони евра односно 47,4 проценти од вкупно предвидените. За стоки и услуги реализирани се 20 милиони евра или 30 проценти од вкупно предвидените средства за тековната година. За најважните, капитални расходи реализирани се само 2,7 милиони евра, што е фантастично ниски 7,9 проценти од сите пари кои биле предвдиени за годинава.
Слична е ситуациајта и во Министерството за транспорт и врски со кое раководи министерот Горан Сугарески. Имено ова министерство во првата половина на 2018 година реализирало средства во износ 17,3 милиони евра што претставува 17,6 проценти од вкупниот буџет за 2018 година.
„Во однос на истиот период од претходната година, расходите се пониски за 53,6 проценти. Реализацијата на капитални расходи во првата половина од 2018 година изнесува 645 милиони денари (10,4 милиони евра), што е 12,3 проценти од годишниот буџет за оваа намена, но се очекува интензивирање на реализацијата на капиталните расходи во втората половина на годината“, стои во извештајот.
ПРЕКУ ЈАВНИ ПРЕТПРИЈАТИЈА
Инаку со повисока реализација на капиталните проекти од просекот во првата половина во годината кој беше исклучително низок, отскокнува програмата за финансирање на проекти од областа на културата. Имено ако просекот е над 16 отсто, во култура се реализирани над 20 отсто од капиталните расходи предвидени за годинава.
Пред пет дена премиерот Зоран Заев изјави дека не е задоволен од реализацијата на капиталните расходи, но рече дека очекува да се достигне проектираното ниво во третиот и во четвртиот квартал, со оглед на тоа што биле направени проектните документации кои биле најголема слабост на потфрлувањето. Дел од капиталните инвестиции сепак не се реализираат преку буџетот, туку преку буџетите на јавните претпријатија, особено кога станува збор за патиштата, железницата, гасификацијата.
Инаку засега не се планира ниту ребаланс на буџетот.
А.Т.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
