ДЕВИЗНИ РЕЗЕРВИ: Мајски пораст од 21 милион евра!

Добивај вести на Viber

Раст на салдото на девизните резерви во мај. Според податоците на Нарoдната Банка, во петтиот месец од годинава вредноста на девизните резерви изнесува 1 милијарда и 920 милиони евра и во однос на април тие се зголемени за скоро 21 милион евра. Во април девизните резерви изнесувале 1 милијарда и 899 милиони евра. Според мерeњата на НБРМ, во мај е регистриран пораст на девизните средства врзани за конвертибилни странски валути чие ниво достигна 1 милијарда 715 милиони евра. Намалување има кај девизните резерви што се чуваат во злато. Така, во мај вредноста на златните девизни резерви изнесува 201 милион евра и во однос на април е регистрирано намалување за скоро три милиони евра. Вредноста на валутите и депозитите што се чуваат во дргите Централни Банки и кај Ммф изнесува 144 милиони евра, ниво кое е пониско во однос на април. Според јунскиот извештај на ЦИА (Central Intelligence Agency), Македонија се наоѓа на 113 -то место во светот според резервите на валути и злато. Од регионот најдобро е рангирана Србија со 67 - то место и девизни резерви од 15,9 милијарди долари, Хрватска е на 72 - то место со 11,46 милијарди долари, а Босна и Херцеговина е на 95 -то место со 5 милијарди долари во резерви на валути и злато. Интересно е што Словенија се наоѓа дури на 137 то место со само 889 милиони долари во резерви. Истражувањето на ЦИА опфатило 169 држави, а на врвот на листата е Кина со резерви од 3,8 трилиони долари, по неа е Јапонија со 1,28 трилиони, додека Европската унија во целина, се наоѓа на третото место со 864 милијарди долари.